漸漸正常的生活

星期五。八點半離開公司。在家工作至零晨。

星期六。小寶第一次賣旗。初時他很雀躍，搶著揹旗袋。

一小時候他開始對拒絕賣旗的人大叫「喂你做乜唔買旗呀」。

再隔一小時，他說：「不如唔好理D窮人我地走啦」。

全靠寶礦力，小寶終於撑到完場。

午飯只不過切兩個橙（後來因為不想切第三個寧願自己不吃），煮雲吞面，竟在廚房耗掉兩小時。

傍晚去科學館。經過加連威老道，小寶說想吃印尼糕。印象中我們只是聖誕節時來過一次，他卻記住了。

星期日。都是些平常活動。返教會。送小寶學游泳。坐在家長席看書，看小寶努力地、笨拙地在水中前進，有㸃感動。This is definitely the best moment of the week. 

渴

不喝酒，因為不想醉。

有一天，有一刻，忽然非常口渴。

眼前只有討厭的番茄汁和酒。

喝那一杯好？

結婚

小寶終於向我求婚，還要求著婚紗，當然被我一口拒絕。

佢好嬲咁話：「都叫你唔好同爸爸結婚架啦！」

隔了一段時間.....我們又聊起這話題。

「你想同邊個結婚？」

「其他唔識嘅人囉！」

「結左婚之後你要搬走，同老婆住啦。」

「吓！但結左婚之後我都要同媽媽訓喎！」

又隔了一段時間，我們經過九龍塘，他問.......

「你個陣係邊度結婚。」

「金鐘紅棉道。」

「我要返去個度搣你，撕爛你婚紗，唔比你同爸爸結婚。」(諗到time travel, 勁喎）

「咁我咪走光？」

「走光唔緊要嘅。」

對佢黎講，最緊要係結唔成婚。

上星期.....

他說：「其實，你結左婚都可以再結啫。」

我不相信輪迴。

但有時候，總覺得他的語氣和神情跟某人很像。